Dal Makhani In 9 Easy Steps
Dal Makhani punjab me Punjabi Dal ke nam se prasiddh hai. Jaise ki iske naam me hi makhani shabd hai, jise sunkar iski makhmali banawat aur badiya swad ke baare me pata chalta hai aur iska naam sunte hi muh me pani aa jata hai.
Dal Makhani Recipe ka creamy aur buttery swad hi ise India ki number one dal banata hai. Tabhi to chahe koi function ho ya shaadi, hotel ho ya restaurant ya phir koi bhi roadside dhaba, ye dal sabhi ke menu ki shaan hoti hai.
Isiliye aaj mai aapke liye layi hu special Dal Makhani In 9 Easy Steps. Jise banana ekdum aasan hai aur iske swad se aapko lagega ki hum hotel jaisi Dal Makhani kha rahe hai. To Chaliye phir banana shuru karte hain aaj ki special aur tasty dish.
Ingredients of Dal Makhani Recipe
| Ingredient Name | Quantity |
| Urad Dal (Red lentils) | 1 Cup1 |
| Rajma (Kidney beans) | 2 Tablespoon |
| Butter | 2 Tablespoon |
| Desi Ghee | 2 Tablespoon |
| Jeera (Cumin seeds) | 1 Teaspoon |
| Hari Mirch (Green chilli) | 2 |
| Laung(clove) | 2 |
| Elaichi (cardamom) | 2 |
| Barik kata hua Pyaj (onion) | 1 |
| Adrak Lehsun paste (ginger garlic paste) | 1 Teaspoon |
| Kashmiri Mirch | |
| Namak | swadanusar |
| Lal mirch powder (red chilli powder) | ½ Teaspoon |
| Dhaniya Powder(coriender) | ½ Teaspoon |
| Garam masala | ½ Teaspoon |
Making Instructions
Dal makhani banane ke liye sabse pehle aap urad dal aur rajma ko dho le aur raat bhar bhigo kar rakh de. Subha iska pani nikal kar ise saaf pani me pressure cook kar le. Ab ise tadka lagane ke liye ek pan me butter garam kare. Isme jeera bhun le aur pyaj dalkar halka gulabi hone tak bhun le. Ab isme haldi, namak, lal mirch, kashmiri mirch, dhaniya powder aur garam masala dalkar bhun le.
Ab isme tomato puree dal de aur tab tak bhune jab tak ki masale ghee na chor de. Iske bad isme boiled dal add kare. consistency ke anusar aap isme pani bhi add kar sakte hai. Ab ise 15-20 minute tak dheeme aanch par pakne de, jisse iska swad aur bhi badhiya ho jayega. To lijiye aapki makhmali aur swadisht Dal makhani taiyar hai. Isme swadanusar cream ya butter dalkar garma garam serve kare.
9 Easy Step of making Dal Makhani
1 – Sabse pehle Urad dal aur rajma ko raat bhar bhigo de aur Subha pani change karke dal ko pressure cooker me dale.
2 – Ab isme namak add karke pressure cook kar le. Ab 2 Whistle aane ke baad ise dheeme aanch par kam se kam aadha ghanta pakne de.
3 – Hamari daal ubal kar taiyar hai.
4 – Makhani Tadka banane ke liye 1 pan me butter dal le.
5 – Ab isme jeera, pyaaj dalkar bhun le aur kashmiri mirch dale, jisse hamari dal ka rang bahut hi achha aayega.
6 – Pyaj bhunne ke baad ab isme namak, lal mirch,dhaniya powder aur garam masala dalkar bhun le aur tomato puree dale.
7 – Jab masale ghee chor de to isme pressure cook ki hui boiled dal add kare.
8 – Isme ek ubaal aane ke baad, 10 minute tak dheeme aanch par pakne de.
9 – Apki swadisht Dal Makhani serving ke liye taiyar hai.
Isme butter ya cream dalkar tandoori roti, butter naan, jeera rice ya vegetable pulao ke sath bhi serve kar sakte hain.
Tips to make dal more Delicious
1 – Taste badhane ke liye serve karte samay usme butter ya cream dalna na bhule.
2 – Raat bhar bhige hue pani ko change jarur kare. Jisse hamari dal ka colour bahut hi accha aayega.
3 – Gravy ko thick karne ke liye aap Daal ko thoda mash bhi kar sakte hai.
4 – Dal Makhani rakhe hue hi gadi ho jati hai. Isiliye starting se hi isme jarurat ke anusar pani add kar sakte hai.
Benefits Of Eating Dal Makhani
1 – Protein and calcium ka accha source hone ke karan ye dal hamare body cells ko repair karti hai.
2 – Dal Makhani me bharpur matra me himoglobin paya jata hai. Isiliye anaemic people ko ye dal highly recommend ki jati hai.
3 – Ghiya Dal Chana ki tarah ye dal Fibre se bharpur hoti hai. isiliye ye hamare heart ke liye bhi bahut healthy hoti hai.
4 – Urad dal me fibres hone ke karan ye glucose level ko control karta hai, jisse yeh Diabetic patients ke liye bahut faydemand hoti hai.
5 – Vegetarian protein ka main source hone ke karan ye weight loss me bhi help karti hai.
Nutritional facts
| Nutrition | Value |
| Vitamin A | 18% |
| Vitamin C | 70% |
| Calcium | 18% |
| Magnesium | 40% |
| Sodium | 97.9mg |
| Iron | 11% |
| Potassium | 492.8mg |
| Cholesterol | 22.5mg |
| Fat | 16.9g |
| Protein | 8.4g |
| Fibre | 6.9g |
| Carbohydrates | 24g |
To dekha aapne kaise aap ghar par hi restaurant style, tasty aur badhiya makhani dal bana sakte hain, aur wo bhi 9 aasan steps me. To iske simple steps aap jarur follow kare aur apni family ko bhi iska bhadiya swad taste karwaye.
Mujhe pura vishwas hai ki aap sabko meri ye recipe jaroor pasand aayi hogi. Comment karke jarur bataye ki aapko meri ye recipe kaisi lagi. Aur han agar aapka koi sujhav ya query ho to use bhi comment kake jaroor bataye.
Iske sath hi aap meri other recipies jaise Cheese Chilli Recipe, Ghiya Dal Chana Recipe, Chole Bhature Recipe, Special Kadi Pakora Recipe, Homemade Rooh Afza Syrup Recipe, Mango Drink Recipe, aam Panna Recipe bhi jaroor try kare.
Dhanyawad!
