Hotel Jaisi Cheese Chilli Ghar Par

Kyon Cheese Chilli ka naam sunte hi mu me pani aa gaya na. Cheese Chilli ek Indo-Chinese dish hai jisme paneer aur shimla mirch ko kai spicy sauces ke sath mila kar banaya jata hai.

Aksar hum hotel ya restaurant ki cheese chilli khate hai. Jo khane me bahut oily lagti hai.  Lekin aaj mai aapke liye layi hu bilkul Hotel Jaisi Cheese Chilli Ghar par. Ye ekdum Non Oily Cheese Chilly hai. 

Cheese Chilli Recipe ek party starter hai. Jo bado ke sath sath baccho ki bhi no 1 pasand hoti hai. Isiliye aaj me aapke liye layi hu Cheese Chilli Recipe in Hindi, jisse aap ghar par hi aasani se bana sakte hai.

Ingredients for Cheese Chilli Recipe

3 Tablespoon Corn flour

1 Tablespoon Maida

4 Pyaaj

3 Shimla mirch

½ kg Paneer

4 Lehsun kali

2 Teapoon Tomato sauce

1 Teaspoon Red chilli sauce

1 Teaspoon Green Chilli sauce

1 Teaspoon Soya sauce

½ Teaspoon Kashmiri mirch

½ Teaspoon Kali mirch

Namak Sadanusar

Oil for Deep Frying

Method of Making Cheese Chilli Recipe (in Hindi)

Restaurant Style Cheese Chilli banane ke liye sabse pehle Paneer ko Chote tukro me kat le. Ab ek bowl me corn flour, maida, namak, aur kashmiri lal mirch mila le aur paneer ke tukre  isme mix kar de. Inhe 5-10 minute tak aise hi rehne de, jisse paneer par iski ek coating ho jayegi.

Ab ek kadai me tel garam kare aur usme paneer ko halka brown hone tak fry kare.

Ab gravy banane ke liye ek kadai me tel garam kare. Isme lehsun dale aur 1 minute tak saute kare. Ab isme kata hua pyaaj dale aur halka pka le.

Ab Isme Shimla mirch dale aur 2 minute pakane ke bad isme Namak, Kali mirch dale. 

Ab 1 spoon kashmiri mirch ko thode pani me ghol kar paste bna le aur gravy me add kare. Jisse iska rang bilkul Restaurant Style Cheese Chilli jaisa aayega. Gravy ko thick karne ke liye bache hue corn flour ko aadha cup pani me ghol le aur gravy me dal de. Ab fried cheese balls ko is gravy me 2 minute tak pakaye.

 To lijiye taiyar hai Bazar se bhi jyada Tasty or crispy Cheese Chilli, jise aap garma garam serve kar sakte hain chinese noodles ya rice ke sath. Ya phir aap chahe to ise Tandoori Roti ya Naan ke sath bhi paros sakte hai.

Steps of Making Cheese Chilli Recipe

For Making Batter

1. Ek Bowl me 3 Tablespoon Corn flour dale. 

2. Ab isme 1 tablespoon Maida add kare.

3.Isme Namak add kare. 

4. Ab isme kashmiri Lal Mirch add kare.

5. Ab isme paneer ke pieces dal de.

6. In sabko acche se mix kar le.

7. Inhe 5-10 minute keliye marinate hone de.

For Frying Paneer

1. Sabse pehle kadai me oil garam kar le.

2. Ab isme Paneer ke pieces golden brown hone tak fry kar le.

3. Aapke cheese balls ready hai.

Preparation For Cheese Chilli Gravy

1. Sabse pahle Shimla mirch ko tukro me kat le.

2. Ad pyaaj ko bhi kat le.

3. Ab lehsun ko baarik kat le.

4. Paneer ke bhi pieces kar le.

Making Cheese Chill Gravy

1. Sabse pehle kadai me oil garam kare aur isme kata hua lehsun dal de.

2. Ab isme pyaaj dalkar halka bhun le.

3. Ab isme Shimla mirch dalkar 2 minute tak pakaye.

4. Ab Isme red Chilli sauce aur Soya sauce add kare.

5. Ab isme kali mirch bhi add kare.

6. Ab isme Kashmiri mirch ki paste bana kar add kare.

7. Ab bache hue corn flour ki slurry banakar isme dale aur paneer add kare.

8. Gravy banane ke liye isme pani bhi add kar sakte hai.

9. To lijiye Apki tasty Cheese Chilli serving ke liye taiyar hai. Aap ise chinese noodles ya fried rice ke sath bhi serve kar sakte hain.

Special Tips of Making Cheese Chilli More Delicious

1. Calories kam karne ke liye paneer ko deep fry karne ke bajaye aap shallow fry bhi kar sakte hai.
2. Agar apke pass coun flour available nahi hai to aap iski jagah rice flour bhi use kar sakte hai. Jise aasani se ghar par bhi banaya ja sakta hai.
3. Yadi aapko ye recipe aur bhi kam samay me banani hai to paneer ke pieces ko corn flour powder ke jagah corn flour ke ghol me dip karke fry kar le.

Nutrition Info (Approximate values)

Chilli Paneer (Restaurant Style Recipe)

Amount Per Serving

Calories 409 Calories from Fat 270

% Daily Value*

Fat 30g 46%

Saturated Fat 11g 69%

Cholesterol 44mg 15%

Sodium 1923mg 84%

Potassium 74mg 2%

Carbohydrates 21g 7%

Fiber 2g 8%

Sugar 3g 3%

Protein 11g 22%

Vitamin A 370IU 7%

Vitamin C 26.6mg 32%

Calcium 332mg 33%

Iron 0.7mg 4%

Thand ke dino me Cheese Chili Recipe bahut pasand ki jaati hai, kyonki sardi me garma garam Chilli Paneer Recipe thand se rahat deta hai. Aur kyoki iski samagri bhi ghar par hi mil jati hai, aap ise jab chahe aasani se bna sakte hai.

Asha karti hu aapko ye Cheese Chilli Recipe jaroor pasand aayi hogi. To aap ise ghar par jarur try kare aur sabko khilaye. Aur ha mujhe comment karke jaroor bataye ki aap sab ko ye Chilli Paneer Recipe kaisi lagi. Dhanyawad.

My Other Recipes

Dal Makhani

Chole Bhature

Ghiya Dal Chana

Aam Papad